From: | Sent: 12/9/2007 10:53 AM |
Дорого Лариса: шъхьаусыгъор Муслимхэм я фитыныгъэхэр зэракъутагъэхэр ары Истанбул дэт конгресс гупчэм Исламфобия – Исламымрэ Муслимхэмрэ ащыщынэным ехьылIагъэу, Тыгъэгъазэм и 8-9 мафэхэм конференция щызэзэхэщагъэм хэлажьэхэрэм ащыщ Къэбэрдей-Бэлкъарым къикIигъэу адвокат Дорого Лариса. Къэбэрдей-Бэлкъар Муслимхэм арагъэщэчырэр, я фитыныгъэхэр зэракъутэрэм теуфагъэу ащ къызэрэщыпсэлъагъэр Фитыныгъэ Радиом къыриIуагъ, «Диныр джы тэрэзэу кIэлэгъуалэм ыIыгъынэу фитэп, Мэсджыдым тэрэзэу кIонэу фитэп, цIыфыбзхэр «радикаль техьагъэ мусульман» аIуи, я унэхэр къаплъахьы, тIэкIу тешIэ къэс къакIохи ащэх, я Iэхъуамбэ тырадзи тырахы, мыщ афэдэу гугъу арагъахьы. Ар тэрэзэп, лъэпкъыхэм зэдаштагъэ хабзэхэмкIи (международная закона) тэрэзэп, Россием и хабзэ лъапсэмкIи (конституция) тэрэзэп.» къыIуагъ Ларисэм. Лариса зэрилъытэрэмкIэ Нальчик, Чъэпыогъум и 13, 2005 къэхъу-къашIэхэм ушъхьагъоу афэхъугъэр Муслимхэм я фитыныгъэхэр зэракъутагъэхэр ары. Адвокат Дорого Лариса зэриIорэмкIэ а къэхъу-къашIэхэр джыри къэмыхъугъэхэу афэлэжьэщтыгъ Муслимхэм, я Iофхэм афеплъыщтыгъ, афэтхэщтыгъ ыкIи къыIотагъэх сыдэущтэу ащэхэри зэраубыкIыщтыгъэхэр, тыркъохэр яIэу къызэрагъэнэщтыгъэхэр. Шъхьаем ахэр Къбэрдей-Бэлкъарым и Президентыми, ХэбзакIоми (Прокурор), Путиными къырадзагъэхэп. Конференция къекIолIагъэх хэгъэгу кортым къарикIыгъэхэри, Тыркуем исхэри, 2,000 фэдиз. Радио Адыгэ http://www.radioadiga.com/adg/artikkk.php?ind=44 |